嘿嘿嘿!!!!!!!!!!!

 

等左好耐既 Marry Claire 婚紗相終於到手了...

 

wahahahahahahahahaa.... 

話說我完成了手術快一個月了, 最近開始做物理治療, 眼看別人很快便可以輕鬆地走路, 我以為我也可以...

 

物理治療師說我康復的進度很慢, 基本上比正常的人慢了快一個星期有多, 包括屈得唔夠多, 腫亦消得很慢...

 

今天的治療, 開始加重了負荷, 最辛苦的是十五分鐘的樓梯機...至於有多辛苦? 我唔識形容, 因為好重好重, 我做了不夠5分鐘已經狂標汗, 不夠十分鐘已經有汗滴到地上, 十五分鐘做完了, 我的眼鏡滿是汗水...真的超辛苦, 好像以前打籃球打到快抽筋一樣, 但我又不能停, 於是我腦海裡充滿打籃球的畫面, 閉上眼, 不停幻想, 不停問自己, 這麼辛苦為什麼!? 不停幻想雙腿無力還要打快攻, 三打二快攻, 還有腳軟地射三分, 控球, 防守...etc...這十五分鐘好像過了十五個鐘一樣.. = =

 

還有踩單車...因為隻腳屈得唔夠多, 到大約90度便開始痛, 試幻想一下, 踩十五分鐘單車, 隻腳要屈幾多下?...每一下都好痛, 但我知道要痛才會好...所以我頂...每一下痛都在心中呻吟...像偷情一樣...= =

早幾晚, 突然發燒, 心知不妙...

 

某人返到屋企見到我, 擔心到非常, 最後捉咗我去睇急症...

 

排咗兩個鐘頭, 排到乜燒都無晒咁滯, 終於見到醫生, 醫生同我講唔夠十句就話, 你今晚留低, 聽朝比返骨科醫生跟吧.........我頂你...

 

我真係千不願萬不願, 我唔想再抽血, 唔想再種豆...何科科安慰我, 佢話: 唔會架, 傻架咩, 唔會抽血架...

 

一點上到病房, 個醫生四點半先黎到, 同我講幾句之後, 佢就行開咗, 我心諗終於可以訓既時候, 佢又返轉頭, 用好平靜既語氣同我講: 要抽抽血...

 

我X!.....

 

呢個時候我有得話唔好咩?! 迫於無奈, 又食一針....ok 我忍你...

 

個醫生得逞之後就走左去...我訓唔夠一陣, 有個護士長走埋黎同我講: 醫生話你唔食得野, 唔飲得水, 要等到第二朝巡房醫生睇左我先, 所以...佢寫左紙, 要我吊鹽水...

 

我心諗: 屌你屎忽, 零晨四點到第二朝八點唔食得野唔飲得水所以要吊鹽水, 我啋你都有味...我話唔制, 問可唔可以唔吊...

 

個護士長話, 咁佢會好難做, 因為醫生交帶落, 寫左紙...有紀錄...

 

我X!....

 

我諗左同講左好耐, 最後都係比個護士長講掂左 (佢係男護士...), 如果種豆種一次 fail 咗就唔再打第二次, ok, 我信你...

 

好, 又一針, 準備好, 打吧...

 

佢吉左入去, 攪左一陣, 又試下個鹽水袋...然後佢話: 頂, 真係 fail 咗...過程中我真係痛, 但其實, 我唔知個護士係唔係幫緊我, anyway, 多謝佢...

 

終於訓咗兩晚, 九月五日我又出院了, 我真係唔要再入去訓喇..../_____\...

 

今晚, 我真係無諗過, 我又毫無防避意識, o係屋企無著上衫既情況之下, 被突如其來既一班朋友嚇一跳, 原來佢地事先同何科科夾定晒, 要突擊探我!!!!!!! \ __ /...攪到我好失禮, 比人睇晒我兩點..>_<...

 

之後佢地仲車我去元朗食飯, 好開心呀, 有BB, B嫂, 呀毛, 呀敏, 呀安, 嘉琪, 肥蕉, 呀虎, 何科科.......仲有拖肥...!!

 

多謝晒, 要你地山長水遠返偏僻既鄉下探我, 又山長水遠咁出返繁榮既市區, 我真係好滾動, 嘻嘻嘻嘻嘻...XD...打攪晒!!

 

THANKS!!! 有心了!!! 無黎到的, 都有心了...^________^...

呼...

 

我出來了...回家的感覺真好!

 

回想, 整個過程我最怕的只有兩件事情, 一是麻醉, 二是手術後有多痛...

 

先說麻醉, 主診醫生之前曾對我說過是用半身麻醉, 可是進醫院後, 直接跟麻醉科醫生對話, 結論是全身麻醉...

本來是鬆一口氣, 可是當時間越來越迫近手術的時間, 人就越緊張...手術原定八點半開始, 七點半姑娘就叫我換衣服了, 我在發呆, 竟然不太想換.../__\...

被推入手術室前, 有姑娘和我核對所有的資料, 然後正式進去了...

 

他們先在我左手種豆, 其實打下去不會很痛, 只是那支針一直在你手背, 感覺不好受, 我又怕自己會弄到那支針......

麻醉醫生到了, 我以為他會先讓我吸那些古怪氣體, 然後就會睡覺, 真好...誰知道他要先在我大腿內側做檢查!?...先在大靜脈的位置搽了些 jelly, 然後用些有滾輪的東西來回在大腿滾呀滾呀, 然後便打了一支說是麻醉針, 那支針打下去以後, 不到五秒, 左腳全不聽使喚, 然後不停不受控制地抽搐, 就像在街市賣的田雞一樣, 被砍了還是會動, 感覺超恐怖...= =...再過一陣子, 真的開始沒感覺了, 讓他們研究一會, 便說幫我做全身麻醉, 我說: 嗯, 心想: 快d 啦!!...他終於讓我吸那些古怪氣體了, 之前聽說過, 那些東西吸了不到五秒就會入睡, 可是我一直在吸, 還是很精神 -___-...再過一會兒, 才替我打全身麻醉的針, 這時感到一股暖流慢慢從左手游走全身, 當走到腦袋的時候, 便沒知覺了...@_@...

 

當我醒來的時候, 我只知道我很凍, 很凍, 身體震過貓王, 姑娘一邊把暖的被子放在我身上, 一邊叫我的名字說: 醒喇, 起身喇, 做完手術喇, 大啖d 深呼吸啦!! 如此這樣, 我卻是很累很累, 很想睡, 大大力的深呼吸了幾下便又想睡了, 沒料到這時姑娘說: 唔好訓喇, 深呼吸!!! 大啖d...好像怕我快要死掉一樣 = =...就這樣玩了一會, 便送我回病房了...在運送過程中我大概是在睡眠狀態, 在病房門外, 聽到有人叫我, 原來是何科科, 我很努力的睜大眼睛, 然後打招呼: 喂~~~~~~~~~~~, 跟著又睡了...= = 像個白痴一樣...

 

在手術後的第一日, 其實算不上很辛苦, 因為只會睡睡睡, 睡到跟死人沒分別, 只是到晚上藥力過了, 想坐起來便頭暈...還好吃飯沒嘔吐...@_@...到了晚上要睡才要命...根本睡不到, 很痛, 很痛, 很辛苦, 就像剛剛弄傷膝蓋那晚一樣, 痛十五分鐘, 睡五分鐘, 再痛醒二十分鐘, 再睡幾分鐘, 如此這樣, 到第二晚還是一樣...真的.......好很辛苦 /___\...

 

在病房的事情不想說了, 現在回到家, 腳還沒消腫, 走路要拿兩支拐杖, 又不能坐太久, 因為腳還不能彎...唉...