最近發覺自己好多野都會唔記得...

 

例如上緊網, 呢頭諗住要去邊個西, 轉個頭無啦啦又唔記得左要去邊...

又例如突然諗起某d 野, 想打電話比某人講, 點知打唔通或者某人無聽到個電話, 可能一兩分鐘內某人 call back 返我, 我都已經唔記得原本想講乜...

又又例如o係個廰度諗住入房攪d 唔知乜野, 行到入房會唔知自己想做乜野...

如果老細叫我做三件事, 當我準備要做既時候, 老細打個電話比我再加多一樣野, 收線之後我好大機會要諗好耐先諗返晒原本o個三件事係乜...

有時明明約左某一日同某d 人有某d 活動, 我可以無左件事, 然後直到有人同我講起, 我先會突然"叮"一聲諗返起...

最明顯係平時坐車或者發白日夢既時候, 會諗好多野想放上黎網誌呢度講, 但每次返到屋企或者公司, 對住部電腦, 我只係可以諗返起一小部分既野...

 

我諗緊, 就算我而家度好晒結婚既致謝詞, 話唔定到時我又係乜都唔記得晒, 咁我不如到時打天才波好過啦......但係到時甩碌點算? 個腦可能會一片空白架喎...可能我o個時個靈魂會出左竅, 得返個軀殼, 眼光光...

 

我發覺我有少少婚前恐懼症...

我最近好易發脾氣...

個腦好實, 轉唔到, 又亂...

好想幫芝麻綠豆剪趾甲, 但我又"的"唔起心肝, 睇住佢慢慢咁變長, 我唔明點解何科科唔幫佢地剪...

我幻想緊一幫佢地剪就會流晒血出黎, 睇黎我有少少病態...定係變態?

突然覺得好灰, 好煩, 我唔想煩, 只可以唔諗, 但唔諗又唔得...

無啦啦一諗到d 麻煩野就會無心機...唔想講野...

我明明好跳皮架嘛.../____\...

嘿嘿嘿...

 

真係睇多幾次都唔覺悶...

 

 

 

有興趣既人記得去睇

大日子 incoming...

 

死啦, 仲有好多野要買, 仲有好多野要攪呀..............................................

 

我好緊張呀......

 

神龍可唔可以借間精神時光屋比我入去修行呀....

....

 

/____\...

在朋友布丁狗狗的網頁看到以下文章，借來一用

 

 

 

 

令我再次回憶起以前的朋友，一些從前（我認為）很要好，很窩心的朋友

真的，那時候根本沒想到那麼多，卻不自覺地把一段感情慢慢地埋葬，現在回想，真的十分好ｘ很可惜

更可惜的是，這些都是不能補救，光陰沖沖而過，轉眼十多年，人生沒有多少個十年的感情，卻原來在那一念之間便被扼殺掉了

十年過後，再見只是普通朋友？

還有一些不是因為某些事情而反目，只是漸漸地，慢慢地不再見面，少了聯絡，就這樣十年了，以前的感覺呢，都被時間沖淡了，不可惜嗎？

 

當你見到這段網誌　可有想起我

 

很骨痺，但朋友，請想起我，也請你真的用心去對待身邊的所有朋友，因為，你再沒有多少個十年可以浪費掉

每個人也會有朋友, 可是, 你身邊的朋友是屬於那一種的?

 

知己? 豬朋狗友? 交心的? 流於表面的? 還是那種就算好久不見, 一見面也不會多說話, 但就是令你覺得自然的, 安心的?

 

好好選擇你的朋友, 好好對待你的朋友...

 

朋友, 你有找到你的朋友了嗎?